သင့်မှာ မန်နေဂျာ လုပ်သက် ၁၀နှစ် ရှိတယ်၊ ဆိုင်ရှင်လုပ်သက် ၁၀နှစ် ရှိတယ်။ ဒါဆိုရင်တော့ အောက်ပါ တချို့အချက်များကို ကြိုတင်နားလည်နှင့်ပြီး ဖြစ်မှာပါ။
ဟုတ်ပါတယ်။ အက်မင်တို့ အခုပြောပြမယ့် အချက်တွေက သင့်ကို အောင်မြင်တဲ့ စားသောက်ဆိုင်များစွာကို နှစ်ပေါင်းများစွာ လေ့လာတွေ့ရှိထားတဲ့ (Restaurant Etiquette) အချက်များကို စုစည်းပြီး ပြောပြပေးမှာ ဖြစ်ပါသည်။
၁၊ နွေးထွေးစွာ မကြိုဆိုလိုက်ရတဲ့ ဧည့်သည်ကို ဆိုင်ထဲ ပေးမဝင်ပါနှင့်။
၂၊ စားပွဲခင်း၊ ပန်းအိုး စသည့် စားပွဲပြင်ဆင်မှုများသည် ဧည့်သည်မလာခင် ပြီးစီးထားရပါမည်။
၃၊ အသုံးမပြုနေသော စားပွဲ၊ နေရာတို့ကို၊ မပြင်ဆင်ပဲ ဒီအတိုင်း မထားခဲ့ပါနှင့်။
၄၊ ဖန်ခွက်များကို သန့်ရှင်းနေပါစေ။ ၎င်းတို့ကို သိမ်းဆည်းမထားခင် သန့်ရှင်းမှုကို ပြန်လည်စစ်ဆေးပါ။
၅၊ လုပ်ဖောင်ကိုင်ဖက်အကြောင်း၊ ဧည့်သည်အကြောင်း ပြောဆိုနေတာမျိုးကို ဧည့်သည် မကြားမိပါစေနှင့်။
၆၊ တွဲဖက် သုံးဆောင်ရသော အရာများကို အရင်ကြိုတင် ချပေးထားနိုင်ပါသည်။ အဓိက အမယ်မလာခင်မှာ ဟင်းရည်ပွဲ၊ ဇွန်းခရင်းများ ချပေးခြင်းမျိုး ဖြစ်ပါသည်။
၇၊ စားပွဲပေါ်မှာ ပန်းကန်ပြားများကို ထပ်မထားရပါ။ ဆူညံမှု မဖြစ်စေအောင် သတိထားပါ။
၈၊ ဧည့်သည်၏ အကြံပြုမှုများ၊ အဆင်မပြေမှုများ ရှိနေခဲ့လျှင် အရေးမပါသလို၊ ဂရုစိုက်စရာ မလိုသလို မလုပ်ရပါ။ နားထောင်ပါ၊ အစစ်အမှန် လက်ခံပါ၊ ကိစ္စကို အတည်ပြုပါ။ ဖြေရှင်းပါ။
၉၊ သီချင်းသံ၊ ဂီတနှင့် ပတ်သက်၍ ဧည့်သည်တစ်ဦးမှ အဆင်မပြေဖြစ်၍ ပြောပြီဆိုပါစို့။ သင်လုပ်ရမှာက အခြားဧည့်သည်များရှိနေသော ပတ်ဝန်းကျင်ကိုလည်း မထိခိုက်ရအောင် တစ်ခုခု ထလုပ်ရမှာပါ။ (ဆိုင်တွင် ဖွင့်ထားသော သီချင်းသည် ဝန်ထမ်းအတွက်ထက် ဧည့်သည်များအတွက် ဖြစ်ပါသည်။)
၁၀၊ ဧည့်သည် စားသောက်ရာတွင် အဆင်မပြေစေနိုင်သော တူရိယာ အသံများကို မဖွင့်ပါနှင့်။ ကြေးတူရိယာမှ ထွက်သော အသံများကို မဖွင့်မိပါစေနှင့်။
၁၁၊ အဆိုတော်ပေါင်းစုံ သီဆိုထားသော CD တစ်ချပ်လုံးကို မဖွင့်ပါနှင့်။ ဧည့်သည်တချို့အတွက် မကြိုက်နှစ်သက်သော ဂီတအမျိုးအစားများ ပါဝင်လာနိုင်၍၊ စားဖွယ်များ သုံးဆောင်မှုကို ထိခိုက်စေပါသည်။
၁၂၊ စားသောက်ဆိုင်သုံး စီမံခန့်ခွဲမှုစနစ် (Restaurant Mgmt. System) တို့ကို အသုံးပြုရန် စဉ်းစားပါ။
၁၃၊ ပိုလျှံနေသော သစ်သီး၊ စားဖွယ်များကို လက်ဆောင် “freebie” တည်ခင်းဧည့်ခံခြင်းသည် ဧည်သည်ကို တော်ဝင်ဧည့်ဝတ်ပြုတယ် (Royal Treatment) ဟူ၍ ခံစားရစေတတ်ပါသည်။
၁၄၊ ဆိုင်အလုပ်တွင် အချိန်က ငွေဖြစ်တယ်ဆိုတာကို သိထားပါ။ ဧည့်သည်မတောင်းဆိုခင်မှာပဲ “ရေနွေကြမ်း” ချပေးထားတာမျိုး၊ ဒါမှမဟုတ် စားဖွယ်နှင့်တွဲဖက် သုံးဆောင်နိုင်မယ့်စားဖွယ်များ၊ အသင့်စားများ ကြိုတင်ပြင်ဆင်ထားခြင်းမျိုး လုပ်ကိုင်နိုင်ပါတယ်။
၁၅၊ လူ ခုနှစ်ယောက်ဘိုကင်တွင် အရင်ရောက်ရှိသူ သုံးယောက်အတွက် ဧည့်ဝတ်ပြုဖို့ မငြင်းဆန်ပါနှင့်။
၁၆၊ ဆေးရုံ၊ ရုပ်ရှင်ရုံ၊ ကားဂိတ် စသည်တို့နှင့် နီးစပ်သော စားသောက်ဆိုင်များတွင် ဧည့်သည်များအတွက် ၎င်းတို့ ဆိုင်မှ ထွက်ခွာသွားရမည့် အချိန်အတိအကျရှိနေနိုင်ပါသည်။ သင်သည် အဆိုပါ အခြေအနေမျိုးအတွက် အဆင်သင့်ဖြစ်ရန် အစီအစဉ်ဆွဲထားနိုင်ပါသည်။
၁၇၊ ဧည်သည်များ စားဖွယ်များကို မှာယူနေစဉ်တွင် များများရောင်းချနိုင်အောင် ကြိုးစားပါ။ (ဥပမာ ထမင်းသုံးဆောင်မယ်ဆိုသူကို၊ ဘာဟင်းလဲ? တွဲဖက် အသီးအရွက်က ဘာဖြစ်မလဲ? အရည်သောက်က ဘာဖြစ်မလဲ? ဒီလို ဆက်စပ်များကို နှစ်လိုဖွယ် ကျွမ်းကျွမ်းကျင်ကျင် မေးမြန်းဝန်ဆောင်မှုပေးနိုင်အောင် လေ့ကျင့်ပေးထားနိုင်ပါသည်။)
၁၈၊ အထူး အရောင်းမြှင့်တင်နေလျှင် ဈေးနှုန်းပါဝင်ပါစေ။ ထိုသို့လုပ်ခြင်းဟာ ဆိုရှယ်မှာပါ ကြော်ငြာပြီးသား ဖြစ်သွားနိုင်ပါတယ်။ သို့မဟုတ် လျှောက်လမ်းမှာ ဆိုင်းဘုတ်ထောင်ထားနိုင်ပါသေးတယ်။ ဒါပေမယ့် လာနေကြ ဧည့်သည်များကိုတော့ မထိခိုက်ပါစေနှင့်။
၁၉၊ ဧည့်သည်ကို သောက်ရေသန့် နှင့် မီနူးကို ပေး၍ ခရီးဦးကြိုပြုနိုင်ပါသည်။ ထိုသို့ပြုခြင်းဖြင့် ဧည့်သည်ကို ထိုင်စောင့်ရတယ်ဆိုသော နှောင့်နှေးကျန့်ကြာမှုမျိုးကို လျှော့ချစေနိုင်ပါမည်။
၂၀၊ စားဖိုမှူး(စားဖိုဆောင်) နှင့် ဧည်သည် ပြောဆိုမှုများ ပြုလုပ်နိုင်ရန်အတွက် ပြောဆိုလို့ အဆင်ပြေစေတဲ့ အခြေအနေပုံစံမျိုး ပြင်ဆင်ထားနိုင်ပါသည်။
၂၁၊ သင့်ဆိုင်ဧည့်သည်သည် ဧည့်သည်ဖြစ်သည်၊ သင်သည် အိမ်ရှင် ဖြစ်နေတယ်ဆိုတာကို နားလည်ထားပါ။ ဧည့်သည်ဟာ အိမ်ရှင် ဂရုစိုက်ပေးမှုအတွက် လာကြတာပါ။ ဒါ့ကြောင့် ဆိုင်မှာလာစားတဲ့ ဧည့်သည်ကို ဧည့်ဝတ်ကျေပွန်မိစေရန် မှတ်ယူထားပါ။
၂၂၊ ဧည့်သည်၏ လိုအပ်ချက်၊ လိုချင်မှု၊ မျှော်လင့်မှုတွေဟာ ဘာတွေဖြစ်မလဲဆိုတာကို ကြိုတင်စဉ်းစားကြည့်ပါ။ ပြီးရင် အဲ့ဒီအတိုင်း လုပ်ဆောင်ကြည့်ပါ။ ဘယ်ဧည့်သည်မှ စိတ်ပျက်စွာဖြင့် ဆိုင်မှ ထွက်မသွားပါစေနှင့်။
၂၃၊ ငွေတောင်းစာ မတောင်းပဲ နှင့် ငွေတောင်းစာ မပေးပါနှင့်။ ပြီးတော့ တောင်းသူကို ပေးပါ။
၂၄၊ ဧည့်သည်ကို ငွေပေးချေလို့ အဆင်ပြေသောနေရာ၊ အနေအထားကို စီစဉ်ပေးထားပါ။
၂၅၊ ငွေကိုင် ဝိတ်တာကို ငွေလက်ခံမှုကိစ္စ ဆောင်ရွက်ရာတွင် သင့်တော်သော Neutral Place နေရာတွင် ဆောင်ရွက်စေပါ။
၂၆၊ ပုံစံမျိုးစုံဖြင့် ငွေလက်ခံနိုင်ရန် ပြင်ထားပါ။ Wavepay, CBpay ဖုန်းနံတ်ဖြင့် ငွေလက်ခံခြင်း၊ ဘဏ် ကဒ်၊ MPU ကဒ်၊ Master Visa ကဒ်များဖြင့် ငွေလက်ခံနိုင်ဖို့အတွက် ပြင်ဆင်ထားသင့်ပါတယ်။
၂၇၊ အကြွေမရှိရင် ပိုပေးလိုက်တာမျိုး၊ ပိုအမ်းလိုက်တာမျိုးပဲ လုပ်ပါ။ ဘာအတွက်ပဲဖြစ်ဖြစ် တစ်ရှူး၊ သကြားလုံးလေးတွေ ဆောင်ထားတာမျိုး လုပ်နိုင်ပါသည်။
၂၈၊ ကုန်ကြမ်းကုန်သွား၍ မပြင်ပေးနိုင်တဲ့ စားဖွယ်များကို ဧည့်သည်မီနူး မဖတ်ခင်၊ (သို့) မှာယူမှု မပြုလုပ်သေးခင် အသိပေးနိုင်တာ ကောင်းပါသည်။
၂၉၊ ဧည့်သည်ရှေ့မှာ မိုဘိုင်းဖုန်း အသုံးမပြုသင့်ပါ။
၃၀၊ ဧည့်သည်များအကြောင်းကို ညွှန်းဆိုတော့မယ်ဆိုရင် ယဉ်ကျေးပါ။ ဟိုကောင်၊ ဟိုကောင်မ၊ ဟိုကလေး စသဖြင့် မယဉ်ကျေးသော အပြောအဆိုများကို ရှောင်ကျဉ်သင့်ပါ။
၃၁၊ စားဖွယ်များ တည်ခင်းဧည့်ခံပြီးနောက်၊ အကယ်၍ ဧည့်သည်ထံ နောက်ဆက်တွဲ ချဉ်းကပ်မှု (follow up) လုပ်ချင်တယ်ဆိုရင် စက္ကန့် ၉၀ ထက်နောက်မကျသောပဲ ပြုနိုင်ပါသည်။
၃၂၊ မီးဖိုချောင်မှာ မီးလန့်ခြင်း (သို့) ကျန်းမာရေးပြသာနာဖြစ်ခြင်း စသဖြင့် တစ်ခုခု ဖြစ်တယ်ဆိုရင်.. စားသောက်ခန်းမထဲမှာ ပြေးလွှားနေလို့ မရပါဘူး။ (တကယ့်ကို အရေးပေါ်တစ်ခုခု ဖြစ်ရင်တော့ တစ်မျိုး စဉ်းစားပါ။)
၃၃၊ ပြုတ်ချတာဖြစ်ဖြစ်၊ ဖိတ်လျှံတာဖြစ်ဖြစ် ဖြစ်ပေါ်ခဲ့လျှင် သန့်ရှင်းအောင် လုပ်ပါ။ အစားထိုးတာ လုပ်ပါ။ သင့်ဝန်ထမ်းကြောင့် ဖြစ်ခြင်းအတွက် ဧည့်သည်ကို မကုန်ကျစေပါနှင့်။ သန့်ရှင်းရေးလုပ်နေစဉ် ဧည့်သည်ကို နေရာရွေ့ခြင်း၊ (သို့) အဆင်ပြေစေရန် ဦးစားပေး တစ်ခုခု စီစဉ်ပေးပါ။
၃၄၊ အကယ်၍ ဧည့်သည်မှ စားဖွယ်အပေါ် အဆင်မပြေတာမျိုးဖြစ်သွားခဲ့လျှင်၊ အဆိုပါ စားဖွယ်တွင် ပါဝင်သော အမယ်များကို ပြောပြပေးနိုင်ရန် ကြိုတင် ပြင်ဆင်ထားပါ။
၃၅၊ အမှာစာနှင့် ပတ်သက်ပြီးတော့ စားဖွယ်တွင် အမှားအယွင်းရှိနေခဲ့တယ်ဆိုရင် ဘာလဲဆိုတာကို ကိုယ်ချင်းစာစိတ်ဖြင့် အရင်ဆုံး မေးမြန်းပါ။ အမှားအယွင်းကို သိနေလျှင်တောင်မှ စားဖွယ်ကို ဧည့်သည်ရှေ့မှာ ဒီအတိုင်း ပြန်မယူရပါ။ အဖြေရှိပြီးတော့မှာ ဝိတ်တာကို ပြန်ယူပါစေ။
၃၆၊ အသုံးမပြုနေသော ခရင်း၊ ဇွန်း၊ ခွက်များ (Place Settings) စသည်တို့ကို စားပွဲပေါ်မှာ ချန်မထားခဲ့ပါနှင့်။
၃၇၊ ဧည့်သည်ကို စားဖွယ်အသစ်နှင့်ပတ်သက်ပြီး အတွေ့အကြုံကို စစ်ဆေးချင်တယ်ဆိုရင် စားဖွယ်များ စားပွဲသို့ရောက်ရှိပြီးနောက် တစ်လုတ်၊ နှစ်လုတ်စားပြီးသည်အထိ စောင့်ပါ။ ထို့နောက် စားဖွယ်များ မည်သို့ရှိတယ်၊ ဘယ်အရာများ လိုအပ်တယ်တို့ကို မေးမြန်နိုင်ပါသည်။
၃၈၊ အသစ်ထပ်တိုး စားဖွယ်များ၊ အရောင်းရဆုံး စားဖွယ်များ၊ ဒီနေ့အထူးစားဖွယ်များ စသည်တို့ကို ပြသထားခြင်း၊ အကြံပြုပေးနိုင်ခြင်းသည် မည်သည်ကို သုံးဆောင်မည် မစဉ်းစားခဲ့သော ဧည့်သည်ကို ကျေနပ်မှု (appreciate) ဖြစ်စေပါသည်။ အခြေအနေကြည့်ပြီး အလုပ်လုပ်ပါ။
၃၉၊ မီနူးအတွက် မေးခွန်းများ မေးမြန်းလာလျှင် ရိုးသားပါ။ အကယ်၍ ကိုယ်တိုင်မှ သေချာမှုမရှိဘူးဆိုရင် စားဖိုမှူးကို မေးမြန်းအတည်ပြုပြီးမှ ဧည့်သည်ကို ပြောပြပါ။
၄၀၊ ပြသာနာဖြစ်စေနိုင်သော သဲလွန်စများကို ရှာပါ။ လုံးဝမတို့ရသေးတဲ့ စားဖွယ်များ စားပွဲပေါ်မှာ ကျန်နေမယ်ဆိုရင်၊ အဲ့ဒါတွေဟာ မကောင်းတဲ့ ထင်မြင်ချက်မျိုး ဖြစ်သွားစေနိုင်ပါတယ်။ ဧည့်သည်မှ ဘာမှမပြောဘူးဆိုရင်တောင်မှ စီမံသူအနေဖြင့် ဘာကြောင့်ဆိုတာကို သိထားရမှာ ဖြစ်ပါတယ်။ “စားဖွယ်နှင့် ပတ်သက်ပြီး ဘာများ တစ်ခုခု မှားယွင်းနေတာ ရှိမလဲ” "ဘာလုပ်ပေးရမလဲ" "ပါဆယ်ထုတ်ပေးရမလား" ဆိုတာမျိုးဖြင့် ဧည့်ခံသူကို ချဉ်းကပ်မေးမြန်းကြည့်နိုင်ပါသည်။
၄၁၊ ယခုအကြိမ် ဧည့်သည်၏ တိုင်ကြားမှု၊ တုံ့ပြန်မှု၊ အကြံပြုချက်များသည် နောက်အကြိမ်အတွက် သင့်ဆိုင်ကို အကူအညီဖြစ်စေပါလိမ့်မည်။
၄၂၊ ပြတင်းပေါက်နားတွင် အစားအသောက်များကို ချမထားစေပါနှင့်။
၄၃၊ မီးဖိုချောင်တွင် စားဖွယ်များကို သယ်ယူနိုင်ရန်အတွက် အသင့်နေရာ စီစဉ်ထားပါ။ သို့မှသာ ဝန်ထမ်းသည် စားဖွယ်များကို တစ်ချိန်တည်းတွင် ကောင်းစွာ ယူဆောင်သွားနိုင်မှာပါ။
၄၄၊ စားဖိုဆောင် နှင့် ဧည်သည် ပြောဆိုမှုများ ပြုလုပ်နိုင်ရန်အတွက် စိတ်ချရတဲ့အနေအထား ပုံစံမျိုး ပြင်ဆင်ထားနိုင်ပါသည်။
၄၅၊ ဧည့်သည်နှင့် ရှင်းလင်းပြတ်သားစွာ ပြောဆိုဆက်ဆံပါစေ။
၄၆၊ မည်သည့် ဝိုင် သုံးဆောင်ရမလဲ မသေချာသော ဧည့်သည်အတွက် အကူအညီပေးလိုက်ပါ။ ဆိုလိုသည်မှာ ဧည့်သည်ကို အမြည့်သဘော နမူနာဧည့်ခံနိုင်ပါသည်။ ဝိုင်မှ စတင်သုံးဆောင်တတ်သော ဧည့်သည်အတွက် အစောပိုင်းကတည်းက အနှောက်အယှက်မဖြစ်စေတာ အကောင်းဆုံးပါ။
၄၇၊ ဘား တွင် ဘယ်လို ယမကာ၊ စားဖွယ်များ ရနိုင်မလဲ သိရအောင် ဘားရှိ ကုန်ကြမ်းများ၊ နှင့် စားဖွယ်များကို သိထားပါ။ ကုန်ကြမ်းစီမံခန့်ခွဲနိုင်တဲ့ Restaurant Management System လိုမျိုး အသုံးပြုခြင်းဖြင့် သိနိုင်ပါသည်။
၄၈၊ ဧည့်သည်တစ်ဦးက အခြားဧည့်သည်တစ်ဦးကို နှောက်ယှက်နေခဲ့လျှင်၊ ဘယ်အချိန် ဝင်ရောက်ရမယ်၊ ဘာလုပ်ရမယ်ကို သိထားပါ။ အခြေအနေကို လှစ်လျူရှု မထားပါနှင့်။ တခြားသူများမှ အဆိုပါ ပြသာနာအတွက် အနှောက်အယှက်ဖြစ်နေနိုင်၍ သင်၏ ဖြေရှင်းပုံအရေးကြီးလှပါသည်။ အိမ်ရှင်ဆန်ပါ။
၄၉၊ ဘားတွင် ထိုင်နေသော ဧည့်သည်သည် နေရာပြောင်း၍ စားသောက်ဆိုင်ဘက်တွင်လည်း ထိုင်တတ်ပါသည်။ ထိုအခါမျိုးတွင် ဘားနေရာတွင်ပင် ငွေရှင်းတာမျိုး လုပ်ဖို့ကို မတိုက်တွန်းပါနဲ့။ တတ်နိုင်သမျှ မှာယူသုံးဆောင်မှုများကို သယ်ဆောင်မှတ်သား ပေးထားပါ။
၅၀၊ ဝန်ထမ်းများကို အပြုသဘောဆောင်စွာ နေထိုင်ပါစေ။
၅၁၊ ဝန်ထမ်းများကို ပြုံးရွှင်စွာ နေထိုင်ပါစေ။
၅၂၊ ဧည့်သည်မှ ဘာသုံးဆောင်ရမလဲ အကြံဉာဏ်တောင်းဆိုသည့်အခါ အကြံပြုမှုများ ပြုလုပ်နိုင်အောင် ဝန်ထမ်းကို လေ့ကျင့်ပေးထား နိုင်ပါသည်။
၅၃၊ ဝန်ထမ်းများကို အထူး VIPs များကို သိထားပါစေ။
၅၄၊ ဝန်ထမ်းများကို ဧည့်သည်၏ လိုအပ်ချက် နားထောင်တတ်စေရန် သင်ကြားပေးပါ။
၅၅၊ နွေးထွေးစွာ နှုတ်ခွန်းဆက်ခြင်းကို လူတိုင်းနှစ်သက်ကြပါသည်။ ဝင်ရောက်လာသူတိုင်းကို နှုတ်ခွန်းဆက်နိုင်ပါစေ။
၅၆၊ ဧည့်သည်များ စကားပြောဆိုနေလျှင် ဘယ်တော့မှ ကြားဖြတ် မဝင်ပါနှင့်၊ ဝန်ထမ်းကို လေ့ကျင့်ပေးထားပါ။
၅၇၊ ဧည့်သည်များဟာ သင့်ဆိုင်ကို ငွေပေးချင်လို့ လာရောက်ကြတာပါ။ သင်က ဘာသုံးဆောင်မလဲ unseen ဘားမှ မမြင်စေ မသိစေပဲ မေးမြန်းခြင်းထက် ဘယ်လိုစားဖွယ်မျိုးသုံးဆောင်ပါမလဲ ဆိုပြီး မီနူးကမ်းပေးခြင်း၊ စားဖွယ်မီနူးများကို အကြံပြု ရွတ်ပြပေးခြင်းဖြင့် စတင်နိုင်ပါသည်။ ဝန်ထမ်းကို Dialog များကို လေ့ကျင့်ထားစေ နိုင်ပါသည်။
၅၈၊ စားပွဲပေါ်တွင် မည်သည့်အရာများ လိုအပ်နိုင်မည်ကို ဧည့်သည်မပြောခင် စိတ်ကူးကြည့်ထားနိုင်ပါသည်။ အစီအစဉ်တကျ တင်ဆက်နိုင်ရန် ကြိုတင်ပြင်ဆင်ထားပါ။
၅၉၊ ဧည့်သည်သည် အပန်းဖြေဖို့၊ စားဖွယ်များ သုံးဆောင်ဖို့၊ ပျော်ရွှင်ဖို့ လာခြင်းဖြစ်ပါသည်။ သင့်ဆိုင်၏ အခက်အခဲများကို ဧည့်သည်ကို ပေးမသိပါစေနှင့်။
၆၀၊ ဧည့်သည်မှ စားပွဲလာထိုင်၊ အတူတူသောက်ရအောင်.. ခေါ်တယ်ဆိုရင်တောင်.. ပုဂ္ဂိုလ်ရေးဆန်စွာ မရှုမြင်ပါနှင့်။ အကောင်းမြင်မှု၊ အလုပ်သဘောဆန်မှုဖြင့် ဆက်ဆံခြင်းသည် ဆိုင်နှင့်ဧည့်သည် ဆက်ဆံရေးကို ပိုကောင်းစေပါသည်။
ကြိုတင်နားလည်စေခြင်း : စားသောက်ဆိုင်နှင့် ပတ်သက်၍ အထက်ပါ စည်းမျဉ်းများပဲ ရှိတယ် မဆိုသလို၊ အထက်ပါ အတိုင်းပဲ ပြုလုပ်ရမယ်ဟုလည်း မကန့်သတ်ထားပါဘူးနော်။ ဒါပေမယ့် အထက်ပါများကို တု၊ ပြု၊ စု ပြီး သင့်ဆိုင်လုပ်ငန်း၏ ဝန်ဆောင်မှုများကို အဆင့်မြှင့်တင်နိုင်ရမှာ ဖြစ်ပါသည်။
🏆အသုံးချနည်းလမ်း
သိတယ်ဆိုရင် ဗဟုသုတသာ ရရှိမှာပါ။ အသုံးပြုတယ်ဆိုရင် အသုံးသာဝင်မှာပါ။ အက်မင်တို့ အကြံပြုတာက ပထမဆုံး နားလည်ရမယ်၊ ပြီးတော့ အသုံးပြုတတ်ရမယ်၊ နောက်ဆုံးနှင့် အရေးကြီးဆုံးကတော့ အဆိုပါ ချက်များကို အကျိုးရှိအောင် အသုံးပြုနိုင်ခြင်းပဲ ဖြစ်ပါတယ်။ ဒီအတွက် အောက်ပါအဆင့်များအတိုင်း လုပ်ဆောင်ပါ။
အဆင့် ၁) အထက်ပါများမှ သင့်ဝန်ထမ်း/သင့်ဆိုင် လက်ခံနိုင်သော အချက်များကို လောဘမကြီးပဲ ရွေးထုတ်ပါ။
အဆင့် ၂) ပြီးရင် ၎င်းတို့ကို သင့်ကိုယ်ပိုင်အဖြစ် ပြောင်းလဲပါ။
အဆင့် ၃) အဆိုပါ စည်းမျဉ်း etiquette များကို မကျင့်သုံးခင်၊ သင့်ဆိုင်မန်နေဂျာ၊ ဝန်ထမ်း၊ မိတ်ဆွေများနှင့် တိုင်ပင်ပါ။
အဆင့် ၄) ပြီးရင် Deployment ပလန်ကို စဉ်းစားပါ။ အဲ့ဒီမှာ သင်ကြားချိန်၊ လေ့ကျင့်ချိန်၊ စတင်ကျင့်သုံးချိန်များ ပါဝင်ပါစေ။
အဆင့် ၅) ကျင့်သုံးပြီဆိုရင် တကယ်အလုပ်ဖြစ်/ မဖြစ် Check ပါ။ လိုအပ်ရင် adjustment/ action ယူပါ။
အကယ်လို့ သင့်ဆိုင်က အခုရွေးထုတ်လိုက်တဲ့ အချက်များ အစာကြေပြီ၊ နောက်အချက်များ ထပ်ဖြည့်ချင်တယ်ဆိုရင် အထက်ပါ အဆင့် ၅ဆင့် ကို Loop ပတ်ပေးပါ။ Good Luck ပါနော်။
