ငွေကိုင်အရောင်းပြုလုပ်ပြီးနောက် ဝိတ်တာနှင့် မီးဖိုချောင်ပန်နယ်တွင် အော်ဒါပြန်ပေါ်ခြင်းဆိုင်ရာ လမ်းညွှန်ချက်

၁။ ပြဿနာ၏အကြောင်းရင်း

ငွေကိုင်မှ အရောင်းပြုလုပ်ပြီးနောက် ဝိတ်တာ (Waiter App) နှင့် မီးဖိုချောင်ပန်နယ် (Kitchen Display) တွင် အော်ဒါပြန်ပေါ်ရခြင်းမှာ ဝိတ်တာမှ အော်ဒါအား 'ပြုပြင်/ထပ်တိုး' မုဒ် (Edit Mode) ဖြင့် သတိမေ့ထားခဲ့ပြီး၊ ငွေကိုင်ရှင်းပြီးမှ 'အော်ဒါအပ်ဒိတ်' (Update Order) နှိပ်မိခြင်းကြောင့် ဖြစ်သည်။

• ပုံမှန်လုပ်ဆောင်ချက်: ငွေကိုင်ရှင်းလိုက်သည်နှင့် ထိုအော်ဒါသည် ဝိတ်တာနှင့် မီးဖိုချောင်ပန်နယ်များမှ အလိုအလျောက် ပျောက်သွားရမည်။

• ဖြစ်တတ်သည့်အခြေအနေ: ဝိတ်တာက 'အော်ဒါပြုပြင်' ခလုတ်ကို နှိပ်ထားပြီး (သို့မဟုတ်) အော်ဒါထပ်တိုးရန် ပြင်ဆင်နေချိန်၌ ငွေကိုင်က အရောင်းပြုလုပ်လိုက်သည်။ ထို့နောက် ဝိတ်တာက 'အော်ဒါအပ်ဒိတ်' နှိပ်မိပါက စနစ်က ၎င်းအား အော်ဒါအသစ်တင်ခြင်းအဖြစ် မှတ်ယူသွားပြီး ပန်နယ်များတွင် ပြန်ပေါ်လာခြင်း ဖြစ်သည်။

၂။ ဝိတ်တာအနေဖြင့် ကြိုတင်ကာကွယ်ရန် နည်းလမ်းများ

ဤပြဿနာမဖြစ်အောင် ဝိတ်တာအနေဖြင့် အောက်ပါအချက်များကို အမြဲလိုက်နာပါ။

• အော်ဒါထပ်တိုးခြင်း $\rightarrow$ ထပ်တိုးမည့်ဟင်းကို ရွေးပါ $\rightarrow$ ထပ်တိုးပြီးချင်း 'အော်ဒါအပ်ဒိတ်' ချက်ချင်းနှိပ်ပါ။ (မမေ့ပါနှင့်)

• အော်ဒါပြင်ဆင်ခြင်း $\rightarrow$ စနစ်သည် Kitchen Panel တွင် cooking/done အခြေအနေရှိ အော်ဒါများကို (ဟင်းပြင်ရန်/ဖျက်ရန်) မပြုနိုင်ရန် ကန့်သတ်ထားပါသည်။ သို့သော် Myan Talk (သို့မဟုတ်) အသံဖြင့် ငွေကိုင်/မီးဖိုချောင်သို့ ဦးစွာအသိပေးပါ။ ခွင့်ပြုချက်ရမှသာ အော်ဒါပြင်ဆင်ခြင်း ပြုလုပ်ပါ။ ပြင်ဆင်ပြီးချင်း 'အော်ဒါအပ်ဒိတ်' ချက်ချင်းနှိပ်ပါ။ (မမေ့ပါနှင့်)

၃။ ပြဿနာဖြစ်သွားပါက ဖြေရှင်းနည်း

ဝိတ်တာအနေဖြင့် အော်ဒါပြုပြင်နှိပ်ထား၍ သတိမေ့နေခဲ့တယ်၊ ငွေကိုင်မှလည်း ငွေရှင်းလိုက်ပြီဆိုရင် စနစ်၏ Operation Cache ကို sync ပြန်လုပ်ပေးရမှာ ဖြစ်ပါသည်။

ဒီအတွက် ငွေကိုင်စက်မှဖြစ်စေ၊ (သို့မဟုတ်) ဖြစ်ပွားသူ ဝိတ်တာတက်ပလက်မှဖြစ်စေ ပြထားသော အောက်ပါခလုတ်ကို နှိပ်ရပါမည် -

[စနစ်အား Sync ပြုလုပ်ရန် / Refresh ခလုတ်] ကို နှိပ်၍ ဒေတာများကို ပြန်လည်ထပ်တူပြုပေးပါ။

💡 မှတ်ချက် - အထက်ပါနည်းလမ်းဖြင့် မပြေလည်ပါက Myan Menu (Customer Support) ထံ ဆက်သွယ်၍ Database မှ အော်ဒါအား Manual ဖျက်ပေးပါရန် တောင်းဆိုပါ။