မြန်မီနူးစနစ် အသုံးပြုသူဆိုင်၏ လိုအပ်ချက်များအတွက် စနစ်အား အထိရောက်ဆုံး အသုံးပြုနိုင်စေရန် စနစ်တည်ဆောက်ခြင်း၊ ဆက်တင်ချခြင်းနှင့် အကောင့်များ ပြုလုပ်ပေးခြင်းတို့ကို ဆောင်ရွက်ပေးပါသည်။
၁) Restaurant Owner အကောင့် (ဆိုင်၏ အမြင့်ဆုံးအကောင့်)
-
ဆိုင်၏ ကိစ္စအဝဝကို စီမံနိုင်ပါသည်။
-
အထူးသဖြင့် ဝန်ထမ်းများ၏ အကောင့်များကို စီမံနိုင်ပါသည်။
-
အက်မင်ပန်နယ် > အကောင့်အသုံးပြုသူ > ဝန်ထမ်း
၂) ငွေကိုင်အကောင့် (ဆိုင်ကောင်တာတွင် အသုံးပြုသည့်အကောင့်)
-
ဆိုင်၏ အော်ပရေးရှင်းအလယ်ဗဟိုတွင် လုပ်ကိုင်ပါသည်။
-
အခြားစက်များထက် အစောဆုံးဖွင့်သင့်ပြီး နောက်ကျမှ ပိတ်သင့်ပါသည်။
၃) ဝိတ်တာအကောင့် (အော်ဒါလက်ခံသည့်အကောင့်)
-
ဆိုင်ငွေကိုင်၊ ဧည့်သည်နှင့် မီးဖိုဆောင်အကြား ဆက်စပ်လုပ်ကိုင်ပါသည်။
-
အော်ဒါများကို စီမံနိုင်ပါသည်။
-
ငွေကိုင်ခွင့် မပေးထားပါ။
၄) မီးဖိုဆောင်/ဘားပန်နယ် (အော်ဒါလက်ခံအကောင့်)
၅) မားကက်တင်းအကောင့် (ပရိုမိုးရှင်းပြုလုပ်သူအကောင့်)
၆) ငွေကိုင်အကောင့် (ငွေကြေးအပိုင်း ကိုင်တွယ်သူအကောင့်)
၇) မန်နေဂျာအကောင့် (ဆိုင်အသုံးစရိတ်၊ မီနူးနှင့် ဆိုင်စီမံအကောင့်)
၈) ရှယ်ယာရှင်အကောင့် (ရှယ်ယာထည့်ဝင်ထားသူများအတွက် အကောင့်)
၉) စကားပြောစနစ် စီမံသူအကောင့် (ဆိုင်အတွင်းသုံး walkie talkie group များ စီမံသည့်အကောင့်)
စသဖြင့် အသုံးပြုသူဆိုင်၏ ရွေးချယ်သောပလန်နှင့် လိုအပ်ချက်အရ အကောင့်အမျိုးမျိုး ရှိနိုင်ပါသည်။
ငွေကိုင်အကောင့်နှင့် ပတ်သက်၍ အထူးကန့်သတ်ချက်များ
မြန်မီနူးစနစ်ရှိ ငွေကိုင်အကောင့်သည် Offline အလုပ်လုပ်နိုင်ပြီး cache များ သိမ်းဆည်းထားပါသည်။ ထို့ကြောင့် လက်ရှိနှင့် နောင်တွင် ရှုပ်ထွေးမှုများ မဖြစ်စေရန် အောက်ပါအချက်များကို လိုက်နာရပါမည်။
၁) ငွေကိုင်အကောင့်ကို မြန်မီနူးမှ ပြုလုပ်ပေးထားသော Desktop Icon နှင့် မိုဘိုင်းဖုန်း Icon များကိုသာ နှိပ်၍ ဖွင့်ပါ။
၂) ဆိုင်ဖွင့်ချိန်တွင် စက်ဖွင့် (Open Register) လုပ်ပါ။ အဖွင့်ငွေသား ထည့်သွင်းပါ။ ဆိုင်ပိတ်ချိန်တွင် စက်ပိတ် (Close Register) လုပ်ပါ။ အပိတ်ငွေသား ထည့်သွင်းပါ။
၃) ငွေကိုင်အကောင့်ကို စက်နှစ်လုံးမှ တစ်ပြိုင်နက်ဝင်၍ မရပါ။ ဝင်ရောက်ပါက အော်ဒါများ ပြန့်ကျဲသွားနိုင်ပါသည်။
၄) အကယ်၍ ငွေကိုင်စက်ကို အခြားသူများနှင့် မျှသုံးပါက (Chrome Browser ကို ငွေကိုင်အတွက် သီးသန့်ထားရပါမည်) Firefox၊ Opera၊ Edge စသည်တို့ဖြင့် အသုံးပြုနိုင်ပါသည်။
အသုံးပြုစက်နှင့် အခြားသူများ အကောင့်မျှသုံးမည်ဆိုပါက
၁) ကျွန်ုပ်တို့ ပေးထားသော ယာယီစကားဝှက် (Default Password) အား အရေးယူဆောင်ရွက်ရန် လမ်းညွှန်ချက်
စနစ်စတင်အသုံးပြုချိန်တွင် ကုမ္ပဏီမှ သတ်မှတ်ပေးသော ယာယီစကားဝှက်သည် စမ်းသပ်ရန်နှင့် စတင်ဝင်ရောက်ရန်အတွက်သာ ဖြစ်ပါသည်။ ထို့ကြောင့် အကောင့်ရရှိသည်နှင့် အောက်ပါအတိုင်း ချက်ချင်း ပြောင်းလဲဆောင်ရွက်ရပါမည်။
-
ချက်ချင်း စကားဝှက်အသစ်ပြောင်းပါ – စနစ်ထဲသို့ ပထမဆုံးအကြိမ် ဝင်ရောက်ပြီးသည်နှင့် ယာယီစကားဝှက်ကို မထားဘဲ မိမိကိုယ်ပိုင် စကားဝှက်အသစ်သို့ ချက်ချင်းပြောင်းပါ။
-
ခန့်မှန်းရခက်သော စကားဝှက်ဖြစ်ပါစေ – 123456၊ password၊ ဆိုင်နာမည် သို့မဟုတ် ဖုန်းနံပါတ်စသည်တို့ကို လုံးဝမသုံးပါနှင့်။
-
လုံခြုံစိတ်ချရသော စကားဝှက်ဖန်တီးနည်း – အနည်းဆုံး စာလုံး ၈ လုံးနှင့်အထက် ရှိရမည်။ အင်္ဂလိပ်စာလုံးအကြီး (A-Z)၊ အသေး (a-z)၊ ဂဏန်း (0-9) နှင့် သင်္ကေတ (ဥပမာ – @, #, $, *) များ ရောနှောသုံးပါ။
-
စကားဝှက်ကို လျှို့ဝှက်ထားပါ – မိမိအကောင့်၏ စကားဝှက်ကို အခြားသူများ သိအောင် သို့မဟုတ် ဆိုင်ရှိ ထင်ရှားသောနေရာတွင် ချရေး/ကပ် ထားခြင်း လုံးဝမပြုလုပ်ရပါ။
၂) အင်တာနက်ပေါ်တွင် ဘေးကင်းစိတ်ချစွာ မည်သို့နေထိုင်ရမည်နည်း (Internet Safety)
စားသောက်ဆိုင်၏ ငွေစာရင်း၊ လုပ်ငန်းအချက်အလက်များနှင့် ကိုယ်ရေးကိုယ်တာအချက်အလက်များ အင်တာနက်ပေါ်တွင် ပေါက်ကြားမှုမရှိစေရန် အောက်ပါအချက်များကို အမြဲသတိပြုလိုက်နာရပါမည်။
-
Official Website ကိုသာ စစ်ဆေးဝင်ရောက်ပါ – မြန်မီနူးစနစ်သို့ ဝင်ရောက်တိုင်း Browser ၏ Address Bar တွင် Link/URL မှန်ကန်မှုရှိမရှိ သေချာစစ်ဆေးပါ။ လိပ်စာအစတွင် လုံခြုံရေးပါဝင်သော
https://ဖြစ်ရန် လိုအပ်ပါသည်။ -
မသင်္ကာဖွယ် Link များကို လုံးဝမနှိပ်ပါနှင့် – အီးမေးလ်၊ SMS သို့မဟုတ် Messenger များမှ "ထူးခြားသောလျှော့စျေးများ"၊ "အကောင့်ပိတ်ခံရမည်" စသည့် သတိပေးချက်အတုများနှင့် မသင်္ကာဖွယ် Link များကို လုံးဝမနှိပ်ပါနှင့်။ ၎င်းတို့သည် အကောင့်ခိုးယူရန် ကြိုးပမ်းသည့် Phishing (လိမ်လည်လှည့်ဖြားခြင်း) များ ဖြစ်နိုင်ပါသည်။
-
အများသုံး Wi-Fi (Public Wi-Fi) များကို သတိပြုပါ – လုံခြုံရေးစကားဝှက်မရှိသော အများသုံး Wi-Fi များကို ချိတ်ဆက်ပြီး ဆိုင်၏ စီမံခန့်ခွဲမှုစနစ်၊ Bank အကောင့်နှင့် ငွေကြေးဝန်ဆောင်မှုများ အသုံးပြုခြင်းကို ရှောင်ကြဉ်ပါ။ လိုအပ်ပါက မိမိ၏ ကိုယ်ပိုင် Mobile Data ကိုသာ သုံးပါ။
-
စနစ်တကျ Log Out လုပ်ပါ – ဆိုင်ရှိ ကွန်ပျူတာ သို့မဟုတ် Tablet ကို အများသုံးအဖြစ် ထားရှိပါက မိမိအလှည့်ပြီးတိုင်း စနစ်ထဲမှ Log Out (အကောင့်ထွက်ခြင်း) ကို မပျက်မကွက်ပြုလုပ်ပါ။ Browser တွင် စကားဝှက်များကို Remember/Save လုပ်ထားခြင်းကို ရှောင်ကြဉ်ပါ။
-
Software နှင့် Device များကို Update လုပ်ပါ – စနစ်သုံးသည့် ဖုန်း၊ ကွန်ပျူတာနှင့် Browser (ဥပမာ – Google Chrome) များကို အမြဲနောက်ဆုံးထွက် ဗားရှင်း (Update) ဖြစ်အောင် ထားပါ။ ၎င်းက မလိုလားအပ်သော ဗိုင်းရပ်စ်များနှင့် ဟက်ကာများ ဝင်ရောက်ခြင်းကို ကာကွယ်ပေးပါသည်။
စကားဝှက်မေ့သွားပါက – မြန်မီနူးစနစ်၏ စကားဝှက်ကို မေ့သွားပါက စကားဝှက် reset ပြုလုပ်ပေးရန် မြန်မီနူးသို့ ဆက်သွယ်နိုင်ပါသည်။ ဆက်သွယ်ရာတွင် ဆိုင်ပိုင်ရှင်ကိုယ်တိုင် သို့မဟုတ် ဆိုင်၏ ပင်မဆက်သွယ်ရေးဖုန်းနံပါတ် (Viber) မှတစ်ဆင့်သာ ဆက်သွယ်ရမည် ဖြစ်ပြီး မြန်မီနူးဘက်မှ လိုအပ်သည်များ စိစစ်အတည်ပြုပြီးမှသာ စကားဝှက် reset ပြုလုပ်ပေးပါမည်။
အရေးကြီးသတိပေးချက် – မြန်မီနူးအဖွဲ့သားများသည် သင့်စကားဝှက် (Password) ကို မည်သည့်အခါမျှ တောင်းခံမည် မဟုတ်ပါ။ ထို့ကြောင့် မိမိ၏ လျှို့ဝှက်စကားဝှက်ကို မည်သူ့ကိုမျှ မပေးအပ်ရန် အထူးမေတ္တာရပ်ခံအပ်ပါသည်။
