ယစ်မျိုးလိုင်စင် ကိုင်ဆောင်ထားသူများအနေဖြင့် အောက်ဖော်ပြပါ စည်းကမ်းချက်များကို လိုက်နာဆောင်ရွက်ရပါမည်။
❶ယစ်မျိုးလိုင်စင်ရရှိသူသည် လိုင်စင်အမျိုးအစားအရ ရောင်းချရန်ခွင့်ပြုသည့် အရက်ကို ခွင့်ပြုသည့်နေရာ၌သာ ရောင်းချရန်၊
❷လိုင်စင်ချထားပေးသည့် ဥပစာတွင် လိုင်စင်ခွင့်ပြုအရက်မှတစ်ပါး အခြားအရက်များ ရောင်းချခြင်း မပြုရန်၊
❸သတ်မှတ်ဆိုင်ဖွင့်ချိန်/ ပိတ်ချိန် အတွင်း၌သာ ရောင်းချရန်၊
❹ခွင့်ပြုလိုင်စင်ကို ဆိုင်အတွင်း အများမြင်သာအောင် ဘောင်သွင်းချိတ်ဆွဲထားရန်၊
❺အသက်(၁၆)နှစ်အောက်ရှိသူ ကူးစက်ရောဂါရှိသူတို့အား အရက်ရောင်းချသူအဖြစ်လည်းကောင်း၊ အကူအဖြစ်လည်းကောင်း ခိုင်းစေခြင်းမပြုရန်၊
❻ယူနီဖောင်းဝတ်ထားသော တပ်မတော်သား၊ ရဲအရာရှိ၊ အကောက်ခွန်အရာရှိ၊ တာဝန်ကျမီးရထားဝန်ထမ်း၊ စိတ်မနှံ့သူများ၊ ❼အရက်အလွန်အကျွံမူးနေသူများ၊ အသက်(၁၈)နှစ်အောက် ငယ်ရွယ်သူများကို အရက်ရောင်းချခြင်းမပြုရန်၊
❽အရက်ကိုအဝတ်အစား၊ ပစ္စည်းများနှင့် လဲလှယ်ရောင်းချခြင်း မပြုရန်၊
❾ရယူထားသောလိုင်စင်ကို ခွင့်ပြုမိန့်မရရှိဘဲ အခြားသူတစ်ဦးသို့ လွှဲပြောင်းခြင်းမပြုရန်၊
❿သက်ဆိုင်ရာ တာဝန်ရှိသူက လုပ်ငန်းတာဝန်အရ စစ်ဆေးလျှင် ယစ်မျိုးလိုင်စင်ကိုပြသရန်၊
ယစ်မျိုးအက်ဥပဒေပါ ပြဌာန်းချက်များ
ယစ်မျိုးလိုင်စင်ကိုင်ဆောင်ထားသူသည် အောက်ပါအရက်များအနက် (၂)မျိုးကိုဖြစ်စေ၊ (၂)မျိုးထက်ပို၍ဖြစ်စေ အမိုးတစ်မိုးတည်းအောက်တွင် ရောင်းချခြင်းမပြုရပါ။
❶နိုင်ငံခြားအရက်
❷ပြည်တွင်းဖြစ်ဖိုထွက်အရက်(အရက်ဖြူ)
❸တည်အရက်(ထန်းရည်မှတစ်ပါးအခြားလှော်ဇာရည်၊ခေါင်ရည်)
❹ထန်းရည်/ဓနိရည်
ခြွင်းချက်။ အထက်မြန်မာနိုင်ငံရှိ ခရိုင်များတွင် တိုင်းဒေသကြီး/ ပြည်နယ် အုပ်ချုပ်ရေးမှူး၏ ခွင့်ပြုချက်ဖြင့် ထန်းရည်ဆိုင်နှင့် ပြည်တွင်းဖြစ်ဖိုထွက် ချက်အရက်ကို ဆိုင်ဥပစာတစ်ခုအတွင်း ရောင်းချခွင့်ပြုနိုင်ပါသည်။
❻အရက်ဆိုင်သည် အရက်သောက်သုံးသူများဝင်/ ထွက်သွားလာနိုင်ခြင်း မပြုနိုင်သောနေရာ၊ အများပြည်သူရှုမြင်ရန် မသင့်လျော်သောနေရာ၊ သောက်သုံးသူတို့က အနီးဖြတ်သန်းသွားလာသူတို့အား အနှောက်အယှက်ဖြစ်စေမည့်နေရာ၊ ဈေး၊ စက်ရုံ၊ ဆေးရုံ၊ စာသင်ကျောင်း၊ ဘုန်းကြီးကျောင်း၊ ဘုရား၊ ဝတ်ပြုပူဇော်ရာ အနီးအနားနေရာ စသည့်နေရာများတွင် မဖြစ်စေရပါ။
❼ထန်းရည်ဆိုင်မှအပ တည်အရက်ဆိုင်နှင့် နိုင်ငံခြားအရက်ဆိုင်များသည် တစ်ဆိုင်နှင့်တစ်ဆိုင် ကိုက်(၁၀၀) အတွင်း ခွင့်မပြုရ။
❽လိုင်စင်ရရှိထားသူသည် လိုင်စင်အမျိုးအစားအလိုက် အောက်ဖော်ပြပါအချိန်အတိုင်း ဆိုင်ဖွင့် လှစ်ရပါမည်။
| စဉ် | လိုင်စင်အမျိုးအစား | ဖွင့်ချိန် | ပိတ်ချိန် |
| ၁ | CFL-1 | နေထွက်ချိန် | ည(၉)နာရီ |
| ၂ | CFL-2 | နေထွက်ချိန် | ည(၉)နာရီ |
| ၃ | CS-1 | နေထွက်ချိန် | ည(၉)နာရီ |
| ၄ | CS-2 | နေထွက်ချိန် | ည(၉)နာရီ |
| ၅ | CS-3 | နေထွက်ချိန် | ည(၉)နာရီ |
ကြိုတင်နားလည်ထားရန် (Disclaimer)
အထက်ပါ အကြောင်းအရာများသည် ဗဟုသုတရရှိစေရန် ရည်ရွယ်ပါသည်။ မြန်မီနူးမှ အထက်ပါ အချက်အလက်များ အပ်ဒိတ်ဖြစ်သည်၊ လက်ရှိကျင့်သုံးနေသည်၊ တိကျမှန်ကန်သည်ကို အာမခံ၍ မရနိုင်သလို၊ အာမခံ၍လည်း မဖြစ်နိုင်ပါ။ အကယ်လို့ သင့်အနေဖြင့် လက်တွေ့အသုံးပြုမယ်ဆိုရင် သက်ဆိုင်ရာ မူရင်းပြဌာန်းချက်များကို သွားရောက်လေ့လာပါ။ (သို့) တရားဝင် ဆောင်ရွက်ပေးနေသော အဖွဲ့အစည်းများနှင့် ချိတ်ဆက်ဆောင်ရွက်ပါ။
