ယစ်မျိုးလိုင်စင်များကို ပြည်ထဲရေးဝန်ကြီးဌာန၏ (၄-၁၀-၂၀၁၁)ရက်စွဲပါ အမိန့်ကြော်ငြာစာအမှတ် ၅၄၂/၂၀၁၁ ဖြင့် ထုတ်ပြန်ခဲ့သည့် ဥပဒေများအရ ၂၀၁၂-၂၀၁၃ ဘဏ္ဍာရေးနှစ်မှစ၍ ဘဏ္ဍာရေးနှစ်အလိုက် ခွင့်ပြုခဲ့ပါသည်။ ယစ်မျိုးလိုင်စင်သည် သက်တမ်းအားဖြင့် တစ်နှစ် ဖြစ်ပါသည်။ သက်တမ်းရေတွက်ပုံမှာ ဧပြီလ (၁)ရက်နေ့မှ နောက်နှစ်မတ်လ (၃၁)ရက်နေ့အထိ တစ်နှစ် ဖြစ်ပါသည်။
ယစ်မျိုးလိုင်စင်လျှောက်ထားနိုင်သူများ
မြန်မာနိုင်ငံယစ်မျိုးနည်းဥပဒေ ၇(က) (၁) (၂) (၃) အရအောက်ပါပုဂ္ဂိုလ်များကို လိုင်စင်ခွင့်ပြုချက် ရရှိနိုင်ပါသည်။
❶ နိုင်ငံသားလက်မှတ်ကိုင်ဆောင်ထားသူ၊
❷ မြန်မာနိုင်ငံကုမ္ပဏီအက်ဥပဒေအရဖွဲ့စည်းထားသောကုမ္ပဏီ(သို့) အဖွဲ့အစည်း၊
❸ အစုစပ်လုပ်ငန်း၊
ယစ်မျိုးလိုင်စင် မလျှောက်ထားနိုင်သူများ
ယစ်မျိုးနည်းဥပဒေ ၃၃က (၂) အရ ယစ်မျိုးနာမည်ပျက်စာရင်း ကြေငြာခံထားရသူများ မရရှိနိုင်ပါ။
❶ အာမခံမပေးနိုင်သောရာဇဝတ်မှုဖြင့်အပြစ်ပေးခံရသူ၊
❷ လူမွဲစာရင်းဝင်သူ၊
❸ ယစ်မျိုးအက်ဥပဒေအရအပြစ်ပေးခြင်းခံရသူ၊
❹ ယစ်မျိုးခွန် ပေးဆောင်ရန်ပျက်ကွက်၍ လိုင်စင်ပယ်ဖျက်ခံရသူ၊
❺ ယစ်မျိုးဥပဒေ နှင့် လိုင်စင်စည်းကမ်းဖောက်ဖျက်၍ လိုင်စင်ပယ်ဖျက်ခံရသူ၊
❻ လေလံဆွဲ၍ အခြားလေလံဆွဲဝယ်နေသူများထံမှ ငွေကြေး(ပန်းကြေး)တောင်းခံလေ့ ရှိသူ။
လျှေက်ထားရန်လိုအပ်သောအချက်အလက်များ (ပြည်တွင်း)
ယစ်မျိုးလိုင်စင်များကို ဘဏ္ဍာရေးနှစ်အလိုက် နှစ်စဉ်ခွင့်ပြုချထားပေးလျက်ရှိရာ ယစ်မျိုးလိုင်စင်ရယူလိုသူသည် သက်ဆိုင်ရာမြို့နယ် အထွေထွေအုပ်ချုပ်ရေးဦးစီးဌာနတွင် အောက်ဖော်ပြပါ စာရွက်စာတမ်းများ နှင့်အတူ လျှောက်ထားနိုင်ပါသည်။
ယစ်မျိုးလိုင်စင်လျှောက်ထားရာတွင်ပါဝင်ရမည့်အချက်များ
❶ယစ်မျိုးလိုင်စင်လျှောက်လွှာ၊
❷နိုင်ငံသားစီစစ်ရေးကတ်မိတ္တူ၊
❸သက်ဆိုင်ရာရပ်ကွက်/ ကျေးရွာအုပ်စုအုပ်ချုပ်ရေးမှူး၏ထောက်ခံချက်၊
❹သက်ဆိုင်ရာရဲစခန်း၏ထောက်ခံချက်၊
❺ပတ်ဝန်းကျင်နေထိုင်သူများ၏ကန့်ကွက်ရန်မရှိကြောင်းထောက်ခံချက်၊
❻အခြားလိုအပ်သောအထောက်အထား၊
လျှောက်ထားရန်လိုအပ်သောအချက်အလက်များ (နိုင်ငံခြားဖက်စပ်)
နိုင်ငံခြားသားနှင့် ဖက်စပ်ဆောင်ရွက်သည့် ကုမ္ပဏီအသင်းအဖွဲ့များအနေဖြင့် လျှောက်ထားမည်ဆိုပါက အောက်ဖော်ပြပါအထောက်အထားများ ထပ်မံလိုအပ်ပါဦးမည်။
❶မြန်မာနိုင်ငံရင်းနှီးမြှုပ်နှံမှုကော်မရှင်(MIC)၏ ခွင့်ပြုချက်၊
❷ကုမ္ပဏီ(သို့)အသင်းအဖွဲ့ ကိုယ်စားတာဝန်ခံ ဆောင်ရွက်မည့်သူအား တာဝန်ပေးအပ်သည့် အထောက်အထား၊
❸ကုမ္ပဏီ(သို့)အသင်းအဖွဲ့ ဖွဲ့စည်းခွင့်မိတ္တူ။
ကြိုတင်နားလည်ထားရန် (Disclaimer)
အထက်ပါ အကြောင်းအရာများသည် ဗဟုသုတရရှိစေရန် ရည်ရွယ်ပါသည်။ မြန်မီနူးမှ အထက်ပါ အချက်အလက်များ အပ်ဒိတ်ဖြစ်သည်၊ လက်ရှိကျင့်သုံးနေသည်၊ တိကျမှန်ကန်သည်ကို အာမခံ၍ မရနိုင်သလို၊ အာမခံ၍လည်း မဖြစ်နိုင်ပါ။ အကယ်လို့ သင့်အနေဖြင့် လက်တွေ့အသုံးပြုမယ်ဆိုရင် သက်ဆိုင်ရာ မူရင်းပြဌာန်းချက်များကို သွားရောက်လေ့လာပါ။ (သို့) တရားဝင် ဆောင်ရွက်ပေးနေသော အဖွဲ့အစည်းများနှင့် ချိတ်ဆက်ဆောင်ရွက်ပါ။
